lagu tanah

ta so lupa ni judul lagu noh sob, mar yg q tau ini berkaitan dengan om endi lay,., napa dia

Tengah malang buta 

cari rambutan

dapa raba pisang 

pisang so tua

om endi tabangun 

dusu deng peda

gara - gara 

orang bahoba di lobang

reff: ado eh ado eh pe sadap ado eh
so mandi deng suar masi batahang
ado eh ado eh pe sadap ado eh
ingin lay mo tambah so abis akang

sebenarnya q lay pusing depe makna ni lagu lantarang depe setiap bait rupa nda baku konek, 

co lia bait pertama, bacirita tentang orang yang pancuri rambutan di tengah malang, mar te dia da dapa raba tu pisang masa,., ekh kage om endi tabangung kong langsung da dusu deng tarandu lantanrang orang ada bahoba di lobang,., timbul pertanyaan,. masa ba cari rambutan kong bahoba di lobang? sehrx nae tu pohong toch,., deng ini lagu rupa langsung abis bagitu lay abis depe refrain,., ckckck
kalimat ' pe sadap ado eh' beking bingo, apa depe mksd tu rambutan , pisang ato sadap ja bakudusu deng om endi?
n tu ingin mo tambah mar so abis akng, rupa nda jels ,., masa sementara om endi ja dusu masi dapariki mo tambah pancuri, kan nda mungkin,., 

mar biar bgtu tetap banya yang masi hafal ni lagu,.,